تعريف المسيح الدجال على شكل سؤال وجواب

 ليه ربنا سبحانه وتعالى لما يملك الفرج.. مأخره؟

شوف سيدنا النبي ﷺ كان يدعي الدعوة دي.. الدعوة اللي تفتحلك فكرة عن كنز عبادة انتظار الفرج..

ليه ربنا سبحانه وتعالى لما يملك الفرج.. مأخره؟

كان ﷺ يقول: "اللهم رضني بما قضيت.. وعافني فيما أبقيت".. يعني لو أخدت مني حاجة رضني إنها اتاخدت.. واللي باقي خليني أشوفه.. "وعافني فيما أبقيت" من النعم.. "حتى لا أحب تعجيل ما أخرت ولا تأخير ما عجلت"..

لو في حاجة متأخرة.. يا رب مرادك هو مرادي

وأنا متأكد إن تأخير الفرج ده علشان في حاجة جوايا بتتكون في هذه الأيام العسيرة..

لذلك قال ﷺ: "سلوا الله من فضله.. وأفضل العبادة انتظار الفرج".. يعني أفضل حال ربنا ينظر في قلبك وانت في محنتك إن أنا مستني كرمه.. مش شاكك فيه.. ولا بتسيئ الظن فيه ولا خايف من فعله.. ده اسمه سوء الظن بالله.. بل نظر في قلبي لقاني عبد أخدت بالأسباب على قد ما أقدر.. وقاعد واثق إن الكريم هيكرمني.. دي اسمها عبادة انتظار الفرج..

وقال ﷺ في الحديث القدسي.. قال الله: "أنا عند ظن عبدي بي".. فخلي هنا العبادة دي..

وفي المدة دي.. مدة انتظار الفرج.. تعمل حاجتين:

1. استغفر كتير

قال ﷺ: "من لزم الاستغفار كان له من كل ضيق مخرجا.. ومن كل هم فرجا.. ورزقه الله من حيث لا يحتسب".

2. صلِّ على رسول الله ﷺ كتير

اللي لما سيدنا أُبي بن كعب قاله أصلي عليك في كل أذكاري؟ قاله إذًا نُكفى همك ويُغفر ذنبك