الثلاثاء، 29 مارس، 2016

هشام جنينة لمن لا يعرفه

نتيجة بحث الصور عن هشام جنينة
يبدو أن هشام جنينة، رئيس الجهاز المركزى للمحاسبات، سيكون حديث الساعة خلال الفترة المقبلة، لاسيما بعد تصريحاته المثيرة للجدل حول الفساد فى مصر، حيث أشار إلى أن تكلفة الفساد وصلت إلى 600 مليار جنيه عام 2015، ومن المقرر استجوابه تحت قبة البرلمان خلال الفترة المقبلة. 

وفيما يلى يستعرض "برلمانى" أهم 15 معلومة لا يعرفها الكثيرون عن هشام جنينة: 
1 – ولد المستشار هشام جنينة بمحافظة الدقهلية فى عام 1954، وتجاوز عمره الـ60 عاما. 
2 – فى عام 1976 تخرج المستشار هشام جنينة فى كلية الشرطة. 
3 – عقب التخرج أصبح جنينة ضابطا فى مديرية أمن الجيزة، وتدرج فى العمل حتى أصبح قاضيا فيما بعد. 
4 - عمل جنينة فى دولة الكويت بعد إعارته كقاض، واستمر هناك لمدة 6 سنوات تقريبا. 
5 – يعتبر "جنينة" واحدا من الذين أسسوا تيار الاستقلال القضائى. 
6 – كان جنينه عضوا فى العديد من مجالس نادى القضاة. 
7 – كما تولى منصب رئيس محكمة استئناف القاهرة. 
8 – المستشار هشام جنينة رئيس الجهاز المركزى للمحاسبات، من الداعمين لثورة الـ25 من يناير 2011. 
9 - فى عام 2012، تم تعيين "جنينة" رئيسا للجهاز المركزى للمحاسبات لمدة 4 سنوات، وذلك بقرار جمهورى من الرئيس الإخوانى محمد مرسى. 
10 – تم إحالة هشام جنينة إلى المحاكمة الجنائية أمام محكمة جنايات الجيزة، بتهمة جريمة السب والقذف العلنى بطريق النشر، والتشهير بحق المستشار عادل عبدالحميد، وزير العدل السابق. 
11 – على الرغم من أن راتب رئيس الجمهورية لا يتجاوز 4 آلاف جنيه، وفقا للقانون، إلا أن "جنينة" أكد فى تصريحات سابقة أن الرئيس الإخوانى محمد مرسى كان يحصل على راتب شهرى يقدر بـ60 ألف جنيه. 
12 – هزمه المستشار أحمد الزند فى انتخابات نادى القضاة الأخيرة. 
13 – انتقده البعض وقالوا إنه يقوم بتسريب تقارير ضد الشرطة المصرية ومنحها لقناة الجزيرة فى قطر. 
14 – زعم جنينة فى تصريحاته أن تكلفة الفساد فى مصر قيمتها 600 مليار جنيه فى عام 2015، ومن ثم كلف السيد رئيس الجمهورية بتشكيل لجنة تقصى حقائق تضم عددًا من المسئولين بوزارات العدل والتخطيط والمالية والداخلية وبرئاسة رئيس هيئة الرقابة الإدارية وعضوية السيد نائب رئيس الجهاز المركزى للمحاسبات للتحقيق فى هذا الشأن، وكشف تقرير اللجنة عن أن بيانات المركزى للمحاسبات اتسمت بالتضليل والتضخيم وفقدان المصداقية. 
15 – تجرى نيابة أمن الدولة العليا الآن تحقيقا مع رئيس الجهاز المركزى للمحاسبات حول تصريحاته عن الفساد. 

الجمعة، 23 نوفمبر، 2007

واختفى الطبق الدوار


لقد إختفى الطبق الدوار

وتقطعت معه كل الأواصروالعلاقات بين الناس

لقد إختفى الطبق الدوار وترك لنا الفرديه والأنانيه وحب الذات

هو الطبق رمز التماسك بين الناس والجيران كان رسول للمحبه بين الناس

فكان يدور فينسج شبكه من العلاقات الإجتماعيه

التى يصعب على غيرها من الأشكال ا لاجتماعيه الحديثه نسجها بتلك البراعه

تلك الشبكة التى هى كانت علامة من علامات الزمن الجميل

والتى كان يستفيد منها كل أفراد المجتمع

فهذا الطبق الدوار لم يكف عن الدوران ولو للحظة واحدة


فأتذكر كم كانت تنتابنى السعادة وأنا ادور مع هذا الطبق

وهو ملىء بأشهى ما طهته أمى من الحلويات والمأكولات حتى البسيط منها

وهذا الطبق لا يرد الينا فارغا ولكنه يرد الينا مملوءا بما هو أشهى وأطيب

ولذلك فهو فى رحلة دوران مستمرة

ولكنه للأسف توقف وتوقفت معه السعادة حتى حلاوة الطعام افتقدناها

أعتقد أن واحدا منا لو تجرأ الان وبادر بارسال هذا الطبق لما عاد اليه من الاساس

يا ترى ما السبب فى توقف هذا الطبق عن الدوران ؟

هل لغلاء المعيشة ؟

أعتقد لا

فكنا فى الماضى فى أوضاع اصعب وأشد من الآن

وكان الطبق فى اوج دورانه

اذا السبب وراء توقفه هو ضياع كل شىء جميل فى حياتنا

مثله مثل الطيبة والبراءة والاخوة والتماسك بين الاهل والجيران

ولم يتبق لنا الا الكره والخبث والتفكك

فعدنا نرى المأتم وبجواره الافراح دون مراعاة لمشاعر الاخرين


وداعا أيها الطبق

يامن كنت تجمع حولك الجيران

يامن كنت رسولا للصلح بين الناس

فأشرف لك ألا تكون فى هذا الزمان

الأحد، 18 نوفمبر، 2007

الحشيشه فى يد الجميع


ذلك الشعار الذى يرفعه جميع المواطنين

برعاية ودعم حكومتنا فأصبح الحشيش الذى يظن أنه محظور

هو الشئ الوحيد الذى إكتشفت أخيرا أنه هو المباح

وكل ماغيره هو المحظور فعندما تحرم من كل شئ

إبتداءا من حاجات اساسيه من غذاء وملبس ومسكن

وصولا لاثبات الذات وحرية التعبير

تأكد أنك سوف تجد الحشيش

إزاى متعرفش؟!!!

فهو فى كل مكان ولم يعد فى الغرزه زى زمان

بل أصبحنا نجده فى كل مكان فى أماكن العمل والجامعات والأماكن العامه

فأصبح من الطبيعى أن يعرض عليك فى أى وقت

ولم يعد تعاطيه مقتصرا على السهرات

بل تجده أصبح عربون للمحبه بين الأصدقاء

فتجد كل ماتعرفهم يعرضونه عليك

ففى بداية اليوم تجد من يقول لك يلا يا عم تعالى نصطبح وسيبك من الدنيا

ووقت ماتجد الدنيا ضاقت بيك تلاقى ياعم إنسى تعالى الدنيا مش تستاهل كل ده

وعلى السهره والفرفشه لزوم السهر

وأصبح مش زى زمان العالم الضايعه

اليوم أصبحت الحشيشه فى يد الجميع الطلاب

بجميع مراحلهم السنيه وجميه المهن

حتى الصفوة من أساتذة الجامعه والاطباء والمعلمين

كلهم تساووا عند الحشيش


وعلى فكره انا لسه الوحيد فى مصر اللى لسه ماجربتش الحشيش

ومش عارف هفضل أقاوم لحد إمتى

وهفضل معتمد على عقلى فى حل مشاكلى

مع إنه كله قال إنه حل سهل عشان كده الحكومه بتفكر تنزله على بطاقات التموين

تحت شعار

قرش لكل مواطن

وللى ميعرفش القرش هو الوحده المتداوله لوزنة الحشيش

ودامت دياركم عامره بالحشيش

الأحد، 11 نوفمبر، 2007

يا عينى عليك يا سى السيد



كعادة سموى استيقظت من النوم متكاسل زى كل يوم يعنى مفيش جديد


أخدت الشاور المعتبر وبدأت أهيأ نفسى لمسسل كل يوم


صوت والدى العالى وزعيقه على الفاضى والمليان


بس فعلا بيحصل حاجه


أنا لسه نايم ولا


والدى ساكت ومركون فى جانب وباين عليه الهم


والأغرب إن أمى إللى صوتها عالى وبتزعق


معقول الست الغلبانه دى تزعق


من فرحتى وشماتتى فى والدى محاولتش أفكر


وخرجت وانا برقص من الفرحه


بس فعلا إللى بيحصل غريب


الرجاله ماشيه فى الشارع حط وشها فى الارض


وكأنهم مش فى الدنيا


ببص فوق لقيت الحاج رفعت جارنا الراجل المحترم


لا أكيد أنا بحلم
الحاج رفعت بينشر الهدوم فى البالكونه


إتفزعت طلعت أجرى


لقيت الأستاذ محفوظ جارنا لابس الفالنه الداخليه ومركون جنب البيت


وبيحرق فى سجاير سألته فيه إيه قالى إنت مش عايش فى الدنيا


مش عارف المصيبه إلى حصلت لرجالة البلد


مصيبة إيه


قالى وعنيه كلها حسره وألم رجولنتا خلاص معدناش إنتهينا الرجاله خلاص


وفضل يبكى ويقول مش عارف ليه ما إحنا كنا كويسين


معقول الأستاذ محفوظ بيعيط
وفضل يقول معدتش قادر أرفع عينى فى عين مراتى خلاص مصدر قوتنا راح


!!! ودا عندنا بس!ّ!!


لا مصر كلها بقت كده لهم


ما إنت لابس تى شيرت بترتر وكوتشى


لهم حق يعملوا كده


إنتهينا منهم لله
قولتله أكيد إسرائيل
هى إللى عاوزه كده


قالى إسرائيل مين ولقيته طلعلى جورنال المصرى اليوم


يقول دول الجماعه إللى قولت هيصلحو حال البلد ويقضوا على الفساد


طلعوا هيقضوا على الرجاله


مسكت الجورنال وبقرأ لقيت خبر


دكتور عبد المنعم أبو الفتوح يقول إن البرنامج الحزبى للإخوان المسلمين


من حق المرأه الترشح لإنتخابات الرئاسه


وفجأه


محفوظ محفوظ محفوظ


دى زوجة الاستاذ محفوظ


ولقيت الأستاذ محفوظ قفز ودخل البيت زى الطلقه


بقى دا الأستاذ محفوظ


إللى كل يوم أروح على صريخ زوجته وهو بيضرب فيها


وفضلت أعاتب نفسى أنا السبب أنا إللى عملت كده


أنا كان مالى


لازم ألبس تى شيرت ترتر والكوتشى الاصفر
وأخذت القرار وقولت لازم أصلح الغلط مهما يكلفنى


لازم أرجع زمن سى السيد


لازم أرجع الهيبه للرجاله
وقولت الحل إنى لازم
أربى شنبى

الأحد، 4 نوفمبر، 2007

mars attack

هجوم فضائى يجتاح جميع بلاد ومدن مصر من ذلك الكائن الغريب
..الصغير فى الحجم
..سريع الحركه .
.الذى لا يخضع لاى قوانين و اعراف بل هو يسير تبعا لاهوائه
.انه شىء غريب حقا فله ثلاث يتحرك عليهم
فى اتزان عجيب يصعب فهمه مع سرعته وانطلاقته القويه
ولا يتوقف الامر عند ذلك بل يصل الى اصوات مريبه
تشبه الى حد كبير بعض الالات الموسيقيه عندنا فى كوكب الارض
يصاحبها صوت يشبه ايضا حيوانات الارض ليثير الفزع بداخلك
حين تسمعه بالاضافه الى بعض الاشعه الحمراء والزرقاء والصفراء
..أشكال مختلفه وتصدر منه لترعب من يراه
..تشبه الاطباق الطائرهذلك الكائن له ملمس جلدى غريب
منقوش عليه بعض الرسوم المرعبه والطلاسم المخيفه تراها وهو ينقض عليك
..انه شىء غريب ظهر فجأه لا أحد يعرف له اب ولا أم
....انه ظهر سفاحا ..اشبه فى ظهوره بالسلعوه
..انه ينتشر كالجراد فى كل مكان لا يترك خضر ولا يابس الا طغى عليه
ماذا نفعل امام هذا الشىء المسمى بالتوك التوك ؟؟؟
لاتستغرب ولا تتحير انه شىء حقير طرأ على حياتنا بدون مقدمات
..طغى على كل شىء فعندما تهرب منه وتركب الميكروباص
تجد الكسيت باغانى غنت خصيصا للتوك توك
وك توك ياصغير ..كل الناس بيستنوك-
ألم يعد هناك سوى التوك توك حتى نغنى له ؟؟؟
..بل امتد الامر لنطلق اسمه على بعضنا
ودخل فى افيهات الافلام وأفردت له الصحف مساحات واسعه على صفحاتها
حتى نوام الشعب -أقصد نواب الشعب - يتحدثون عن حقوق التوك توك
هنيئا لك ايها التوك توك ..لقد حزت على ما لم أحصل عليه
كمواطن من اهتمام مجلس الشعب
يقولون عنه انه فرصه للقضاء على البطاله
ألم يروا من يقود هذا الشىء ..انهم شباب -الا من رحم ربك-لايعملون عليه
بل يقضون وقت راحتهم بعد عناء جلسات كيف البانجو والحشيش
وللحقيقه هناك بعض الشباب الذى جعل منه وكرا لتعاطى البانجو والحشيش
وممارسة الرذيله حتى اصبح قنبلة تمشى على الارض
وليس كاسيت متحرك كما قلنا فى البدايه
نريد حل جذريا لهذا الشىء الذى يعتبر مصدر
تلوث سمعى واخلاقى ومرورى
وفعل مالم تفعله الحافلات العملاقه فى تعطيل حركة السير على الطريق
..فهيا نقولها صريحه
معا للقضاء على التوك توك

الاثنين، 29 أكتوبر، 2007

متعة الإشتغالات


من مننا لايعرف هذه الكلمه

فهى منتشره فى كل مكان ونسمعها كثيرا

ونقولها أكثر بتصريفات هتشتغلنى اشتغاله

وأكيد منا ما ذاق متعة الاشتغالات وأيضا ماذاق مرارتها

فالاشتغالات أصبحت محور أساسى فى حياتنا ولا أحد ينكر ذلك

فالإشتغالات ليست بشئ مستحدث الذى نرمى بها على براثن العولمه

الإشتغالات موجود من قديم الأزل فكلنا يعرف أول إشتغاله فى الإسلام
شلت يدي

إنها سليمه
فالاشتغالات هى علاقه بين طرفين يستغل فيها طرف سذاجة أوسلامة نية الطرف الأخر
ويختلف الهدف من الإشتغالات


هدف المتعة وهى السلميه ومطلوبه ومقبوله دى بين الأصدقاء وتعطى الصحبه مذاق خاص

وكلنا يعرفها وجربها أيام الكليه وكل وقت ونعملها

فى البيت أحيانا والعمل ولكن فى بعض الاحيان تخرج عن المعقول والمقبول

فتكون لها عواقب غير حميده


وهناك ماتهدف إلى المال والربح ودا يقع تحت مبدأ النصب

ودا نوع مرفوض ويعاقب عليه القانون

مثال

كان فيه مجموعه من النصابين إستغلم سذاجة وغباء مجموعه من الشباب

عندنا وأوهمهم بحلم الهجره كل واحد دفع إلى معاه لنصابين والنصابين ركبوهم مركب

ولفو بهم شويه فى البحر وقرب من الشط وقالو لهم كملوا عوم لشواطئ إيطاليا ولكن المصيبه

كانت شواطئ إسكندريه والمركب كان بتلف على شواطئ إسكندريه

وطبعا خسر الاغبياء فلوسهم

مثال تانى

جنازه وعند الصلاه عليها قال أحد المصلين الميت كان عليه فلوس ومينفعش يدفن

أنا عاوز فلوسى جمعوا الفلوس فى الجامع للراجل وبعد الصلاه عليه لم يجدوا أحد يحمل الميت

وإكتشفوا أن التابوت مملوء بالحجاره وكانت إشتغاله خسروا فيها فلوسهم



مايهدف للسلطه والحفاظ عليها

وذلك النوع مبرر للحكام

غصب عن الشعب


مثال

ما يقوم به الرئيس من إشتغالات للحفاظ على الحكم من إشتغالة إنفلوانزا الطيور

ليلهى بها الشعب عن المصايب إلى فى البلد

وٌ إشتغالة المشروع النووى السلمى لتلميع جيمى


وغير بقى بقى جمال عبد الناصر وإشتغالة حادث المنشيه ويضحك بها على الشعب ليزيد من شعبيته

وإشتغالة التنحى وإستعباط الشعب و إللى رفض تنحيه




وهناك من الإشتغالات ما يهدف للشهره دا مفيش منه ضرر وعادى

مثال

أسامه منير يشتغل الشغب المصرى أحد وثلاثاء وإدعائه حل مشاكلهم العاطفيه

والناس مصدقه هو يتشتغلهم ويضحك عليهم ويفضحوا نفسهم

وهو يتشهر ويقولوا عليه أمير الرومانسيه

وإبراهيم نصر فضل يشتغل البشريه 10 سنين والناس مبسوطه ذيع يا أستاذ إبراهيم

فرج الناس على عبطنا خلى الناس تتبسط وتضحك علينا

وهو يتشهر على قفاهم وعباطهم وسذاجتهم



وهناك من الإشتغالات مايهدف للراحه النفسيه ودا نقول عليه بيشتغل نفسه

مثال

لما يكون الواحد بيحب حد وهو مبيحبوش تلاقيه مش مصدق ان الطرف التانى مبيحبوش

وتلاقيه بتضحك لى بتبص لى عايزة تكلمنى بس محروجه كل دا بس عشان يرضى غروره

وميصدمش نفسه برفضه

والصراع فى النوع دا نفسى داخل نفسه

وممكن يتعدى المعقول ويصاب بالمرض النفسى والجنون



وهذه مجموعه من الإشتغالات الكبرى



المشروع النووى العراقى

وأيضا

المشروع النووى الإيرانى

أثرهم على تدخل أمريكا فى شئونهم


إشتغالة وجود أسامه بن لادن

وأثرها على دخول أمريكا أفغانستان


إشتغالة حادث المنشيه والتنحى


إشتغالة الانتخابات


إشتغالة الأهلى والزمالك وإستغلالها فى خداع الشعب


إشتغالة إنفلوانزا الطيور


إشتغالة الأحزاب السياسيه فى مصر


إشتغالة الحرب البارده وإللى الدولتين إشتغالوا العالم كله


إشتغالة التعليم العالى إلى يستنفذوا طاقات الشعب دون فائده


إشتغالة الديموقراطيه فى مصر وهى فى الأصل ملكيه


إشتغالة قانون الإرهاب وهى فى الأصل لتقيد حرية المواطن


إشتغالة حرية الصحافه وكلهم مهددين بالحبس


إشتغالة المطربات البنانيات

وهم ما إلا مجموعة عمليات تجميل


إشتغالة مجانية التعليم


إشتغالة جامعة الدول العربيه


وطبعا لو قولنا كل الاشتغالات مش هيكفينى مدونه

لأن تاريخنا كله إشتغالات فلو حد شايف إنى نسيت إشتغاله يقولى عليها






الثلاثاء، 23 أكتوبر، 2007

عصفور لكل مواطن


عصفور لكل مواطن
أكيد كلنا بنحب منظر العصافير ونطرب لشدوها
ولأنى مغرم بتربية عصافير الزينه وتعتبر من أهم هواياتى
بس العصافير إلى انا أقصدتها دى حاجه تانيه خالص

دا عصفور الامن أو مرشد أمن الدوله
ومش عارف هو الامر بالخطوره دى ولا إحنا إلى بنشتعل نفسنا
ونجح أمن الدوله إن يحول الامر من عملية نقل للأخبار لعملية ردع وتخويف للناس
موضوع العصافير عملى مشكله من صغرى أيام مكنت مندمج مع الاخوان المسلمين
وكنت أحضر لقاءات وأروح ألعب كره كعادتهم ألاقى والدى يقولى خلى بالك
الملعب إللى إنت بتلعب فيه كل البيوت إلى حواليه عصافير
وبيسجلم أساميكم و هتروح للأمن
حتى الاخوان نفسهم كان يتعاملوا معنا فى حضور اللقاءات
متقولش لحد متحضروش مع بعض حتى لما رحت الكليه
وكنت من ساكنى المدن الجامعيه كان نصائح والدى خالى بالك
وانت مسافر متكلمش فى السياسه وانت راكب الموصلات
خلى بالك لأمن الدوله بيحط فى كل عربيه عصفور
يبلغهم أخبار الناس
ولما سكنت المدينه ربنا رزقنى بواحد يوم يقولى انت شايف المبانى
دى كلها فى كل مبنى فيه عصفور للأمن يبلغهم بدبة النمله
يجيلى تانى يوم تصدق الأمن لازم يعمل فى كل دور عصفور
ويوم تانى جناح تخلص إن الامن عشان يحكم المدينه لازم فى كل أوضه عصفور
ويقول إنه شاكك فى إن أنا عصفور وبدأ يخاف منى

وأخير الموضوع وصل معايا لى عالم التدوين
انا و واحد صاحبى مدون بنتكلم فى أمور التدوين
جات سيرة مدونه جديده صاحبتها حط صورتها
لقيته بيقولى إنت بتصدق إن هى واحدة دا ظابط أمن دوله
ولقيته بيقولي حاكم أنا بشك فى أغلبية البنات إلى على المدونات
وعارف الناس إلهم إخوان دول ظباط أمن دوله
وعاوزين يجرونا عشان يعرفو أسامينا ويقولى حاكم الظباط بيخدوا أعلى الدورات
فى الكمبيوتر والنت حتى الأفكار بتاع الإخوان عارفنها عشلن يوصلو لنا


فعلا الموضوع خطير
وده فى حد ذاته مقيد لحريتى لمجرد إنى خايف من شخص شاكك فيه
بالإضافه بتفسد العلاقات مع الناس وتنشر الريبه فى التعامل مع الناس
وتدمر كل الاوصال الاجتماعيه
والله الامن نجح ان يحول الموضوع لعملية ردع وترهيب
والناس عادت بتخاف من خيلها
ولا أنا عشان أخرج إلى فى نفسى لازم أعمل حوار مع النفس
فى مكان محدش يوصله إلا انا

أعرف ناس مبتصليش فى الجوامع عشان خايفه من العصافير
لو فضل الامر كده يبقى أبشركم المشوار طويل لسه
أنا عاوزك تتخيلم لو إن إحنا إمتلكنا القدره على إعلان التغير كلنا بدون خوف
صدقونى كل العصافير هتخش عششها
والغربان إللى بعتاهم هتهاجر وتسيبنا