انا لقيت أمينة

أعذرونى على الغيبة إللى فاتت
وعلى اللخبطة إلى كانت حصلت فى المدونة
بس انا جيت أقول لكم خبر عارف إنكم هتفرحو ليا
لانكم إخواتى والله العظيم انا بحبكم جدا
انا طبت وجبت الشبكة وكتيت الكتاب على أمينة
والله كان نفسى أعزمكم كلكم
مش شغل دمايطة بس والله لان الموضوع جه بسرعه
وكلكم معزومين على الفرح إن شاء الله
وهزعل من إللى ميجيش
ودى الصور ولان انا سى السيد
فالصور امينه لالالالالالالالالالالا
انما الباقى اصحابى ماعدا احمد صاحب مدونة ابو سويلم
ولان كان عنده شغل
أنا أعلى واحد فيهم
وإلى تحتى احمد صاحب مدونة ولاد النهارده
طبعا احمد صاحب مدونة دكتور كسلان واخد الصورة كلها مهما يعمل ربجيم

انا لقيت أمينة

مهنتى حروف العاشقين

على الرغم من كونى اخصائى اجتماعى فى معهد أزهرى
وشيخ المعهد لخصلى شغلنتى فى حاجتين
السيبر وامسك العيال بتوع السيبر
والتانيه الجوبات الى بتروح معهد الفتيات من عندنا من عيال بتوع المعهد
وطبعا لقلة فرق السن بينى وبين الطلبه
فأنا أستاذ فى الموضوع
دا وكل يوم الشيخ عميد المعهد
على فكره عميد المعهد الى هو المدير
فى التربيه والتعليم
ينزل شكر ومدح فيا
مع ان كنت طالع عينى فى الكليه مذاكره
حاجات غير دى خالص
لو كنت اعرف
ان الموضوع سهل كده مكنتش تعبت دماغى بالمذاكره ولا الغش
واسهر طول اليل اعمل البرشام
المهم على الرغم من كل دا
فشغلنتى التانيه الى بزود بيها دخلى
او هى دخلى اصلا
لان مرتبى من الحكومه
يدوب يجيب الموصلات
هى حروف العاشقين
بل ان كل فلوسى وموبايلى وكل حاجه حتى
الكمبيوتر الى انا بكتب عليه
من حروف العشاق
حتى لما الاقى امينه ان شاء الله
واتجوزها هى الى جابت الفلوس الى اجوزبها
بل هى احسن من حاجات كتير السفر
فى كل حاجه الفلوس و حر نفسى وملك نفسى
والله بحس فيها بمتعة وانا بشتغل فيها
بخلاف الفلوس
لان انا دمياطى والفلوس مبتفرقش معايا زى ما الكل عارف
ا وعلى الرغم
من انها خشب
بس والله تحفه
والصور توريكم

عدنا

عدنا
سى السيد جالكم خبو عيالكم
ونرجع ندون تانى لانى بصراحه
اتخنقنت
مش عارف هلاقيها منين
مصنع وعاوزين يسممو
اجدع واكرم واجود
ناس فى مصر الدمايطه ال انا لى شرف انى ابقى منهم
ولاغاز اسرائيل
ولا زيادة الاسعا
ر ولا ولا ولا
بالرغم من ان الحكومه انعمت على وعينتنى
عكس ما بعض الحاقدين ان فيه بطاله
والله تانى يوم كان فيه زيادة فى الاسعار والموصلات زادت
وكله يقولك يابختك ياعم استوظفت وانت لسه عندك 23 سنه
ميعرفوش ان هى جايه بخساره
وسيبت مصالحى
بس يالا كله يهون عشان مصر
المهم والله وحشتنى ايام التدوين واهل عالم التدوين
ال كانو بالنسبه لى شئ مهم جدا
انا راجع فعلا لانى اتخنقت نفس اكلم
الفتره الى فاتت دى كنت حاسس انى نقصنى حاجه
وعشان كده رجعت ادون تانى

وعاد البطل يناضل من جديد

ياجبل ما يهزك ريح

واختفى الطبق الدوار

لقد إختفى الطبق الدوار

وتقطعت معه كل الأواصروالعلاقات بين الناس

لقد إختفى الطبق الدوار وترك لنا الفرديه والأنانيه وحب الذات

هو الطبق رمز التماسك بين الناس والجيران كان رسول للمحبه بين الناس

فكان يدور فينسج شبكه من العلاقات الإجتماعيه

التى يصعب على غيرها من الأشكال ا لاجتماعيه الحديثه نسجها بتلك البراعه

تلك الشبكة التى هى كانت علامة من علامات الزمن الجميل

والتى كان يستفيد منها كل أفراد المجتمع

فهذا الطبق الدوار لم يكف عن الدوران ولو للحظة واحدة

فأتذكر كم كانت تنتابنى السعادة وأنا ادور مع هذا الطبق

وهو ملىء بأشهى ما طهته أمى من الحلويات والمأكولات حتى البسيط منها

وهذا الطبق لا يرد الينا فارغا ولكنه يرد الينا مملوءا بما هو أشهى وأطيب

ولذلك فهو فى رحلة دوران مستمرة

ولكنه للأسف توقف وتوقفت معه السعادة حتى حلاوة الطعام افتقدناها

أعتقد أن واحدا منا لو تجرأ الان وبادر بارسال هذا الطبق لما عاد اليه من الاساس

يا ترى ما السبب فى توقف هذا الطبق عن الدوران ؟

هل لغلاء المعيشة ؟

أعتقد لا

فكنا فى الماضى فى أوضاع اصعب وأشد من الآن

وكان الطبق فى اوج دورانه

اذا السبب وراء توقفه هو ضياع كل شىء جميل فى حياتنا

مثله مثل الطيبة والبراءة والاخوة والتماسك بين الاهل والجيران

ولم يتبق لنا الا الكره والخبث والتفكك

فعدنا نرى المأتم وبجواره الافراح دون مراعاة لمشاعر الاخرين

وداعا أيها الطبق

يامن كنت تجمع حولك الجيران

يامن كنت رسولا للصلح بين الناس

فأشرف لك ألا تكون فى هذا الزمان

الحشيشه فى يد الجميع

ذلك الشعار الذى يرفعه جميع المواطنين

برعاية ودعم حكومتنا فأصبح الحشيش الذى يظن أنه محظور

هو الشئ الوحيد الذى إكتشفت أخيرا أنه هو المباح

وكل ماغيره هو المحظور فعندما تحرم من كل شئ

إبتداءا من حاجات اساسيه من غذاء وملبس ومسكن

وصولا لاثبات الذات وحرية التعبير

تأكد أنك سوف تجد الحشيش

إزاى متعرفش؟!!!

فهو فى كل مكان ولم يعد فى الغرزه زى زمان

بل أصبحنا نجده فى كل مكان فى أماكن العمل والجامعات والأماكن العامه

فأصبح من الطبيعى أن يعرض عليك فى أى وقت

ولم يعد تعاطيه مقتصرا على السهرات

بل تجده أصبح عربون للمحبه بين الأصدقاء

فتجد كل ماتعرفهم يعرضونه عليك

ففى بداية اليوم تجد من يقول لك يلا يا عم تعالى نصطبح وسيبك من الدنيا

ووقت ماتجد الدنيا ضاقت بيك تلاقى ياعم إنسى تعالى الدنيا مش تستاهل كل ده

وعلى السهره والفرفشه لزوم السهر

وأصبح مش زى زمان العالم الضايعه

اليوم أصبحت الحشيشه فى يد الجميع الطلاب

بجميع مراحلهم السنيه وجميه المهن

حتى الصفوة من أساتذة الجامعه والاطباء والمعلمين

كلهم تساووا عند الحشيش

وعلى فكره انا لسه الوحيد فى مصر اللى لسه ماجربتش الحشيش

ومش عارف هفضل أقاوم لحد إمتى

وهفضل معتمد على عقلى فى حل مشاكلى

مع إنه كله قال إنه حل سهل عشان كده الحكومه بتفكر تنزله على بطاقات التموين

تحت شعار

قرش لكل مواطن

وللى ميعرفش القرش هو الوحده المتداوله لوزنة الحشيش

ودامت دياركم عامره بالحشيش