ذلك الشعار الذى يرفعه جميع المواطنين
برعاية ودعم حكومتنا فأصبح الحشيش الذى يظن أنه محظور
هو الشئ الوحيد الذى إكتشفت أخيرا أنه هو المباح
وكل ماغيره هو المحظور فعندما تحرم من كل شئ
إبتداءا من حاجات اساسيه من غذاء وملبس ومسكن
وصولا لاثبات الذات وحرية التعبير
تأكد أنك سوف تجد الحشيش
إزاى متعرفش؟!!!
فهو فى كل مكان ولم يعد فى الغرزه زى زمان
بل أصبحنا نجده فى كل مكان فى أماكن العمل والجامعات والأماكن العامه
فأصبح من الطبيعى أن يعرض عليك فى أى وقت
ولم يعد تعاطيه مقتصرا على السهرات
بل تجده أصبح عربون للمحبه بين الأصدقاء
فتجد كل ماتعرفهم يعرضونه عليك
ففى بداية اليوم تجد من يقول لك يلا يا عم تعالى نصطبح وسيبك من الدنيا
ووقت ماتجد الدنيا ضاقت بيك تلاقى ياعم إنسى تعالى الدنيا مش تستاهل كل ده
وعلى السهره والفرفشه لزوم السهر
وأصبح مش زى زمان العالم الضايعه
اليوم أصبحت الحشيشه فى يد الجميع الطلاب
بجميع مراحلهم السنيه وجميه المهن
حتى الصفوة من أساتذة الجامعه والاطباء والمعلمين
كلهم تساووا عند الحشيش
وعلى فكره انا لسه الوحيد فى مصر اللى لسه ماجربتش الحشيش
ومش عارف هفضل أقاوم لحد إمتى
وهفضل معتمد على عقلى فى حل مشاكلى
مع إنه كله قال إنه حل سهل عشان كده الحكومه بتفكر تنزله على بطاقات التموين
تحت شعار
قرش لكل مواطن
وللى ميعرفش القرش هو الوحده المتداوله لوزنة الحشيش
ودامت دياركم عامره بالحشيش
تعليقات
هييه
أول تعليق
أروح اقرا بقى وأجى أعلق بمعننة
سلام
تسلم إيدك بجد
انت عارف يابو السيد بجد الظاهرة دى بقت فظيعة
معاك حق ان بقى فى متناول يد الجميع بس الاكتر بقى لو رحت فرح فى منطقة شعبية يوووووه بقى عيب اوى ان صاحب الفرح ما يجبش ويظبط معازيمو
على فكرة مش انت لوحدك اللى ما جربتش الحشيش انا مرة شوفت واحد زمان مجربوش بردو زيك ههههههههه
لا طبعا وانا كمان
طب ايه رأيك اننا نعمل نقابة اللى مجربوش الحشيش
ونطالب بدعم الحكومة فى توفير الحشيش لينا كأحد السلع الاساسية لمحدودى الدخل
هههههههههه
تحياتى من كل قلبى
كما تقول ازدادت كثيرا لدرجه مقلقه
و انا ايضا اشعر بتلك الظاهره فالافراح الشعبيه لا تخلوا من المخدرات و كانها اصبحت شىء اساسى فى الافراح عند الناس يعنى كده زى ما بيقدمكوكاكولا او غيرها بيقدم الحشيش و تلاقى الريحه اجارك الله و الناس العاديه عارفه ان فيه غرزه فى الفرح ده و رغم كده بتسكت
دة ايه انا كمان سمعت ان الشرطه لما تيجى بيكون نصيبها محفوظ الظباط و المخبرين و العساكر كله ماشى
تحياتى اليك
ابو مفراح
no comment
ايه البوست العالي دا
ماركته ايه الصنف قصدي البوست دا يا سي السيد
هنقول ايه بس
انت عايز ايه في بلد
بيقولك احلى حشيش وانضف حشيش
تاخده من السادة الضباط
طبعا الجماعة بيحرزوا ضبطيات اد كدا
خسارة تتعدم
الحشيش ارخص من اللحمة
قرش الحشيش بيتباع بـ25 جنيه دا المضروب
الصنف العالي بقى بيقولك بـ42جنيه
دا كان ضمن الرصد اللي قاله عمرو اديب
ان قصاد غلاء 118سلعة
سلعة واحدة رخصت الا وهي الحشيش
كان بيطمن المواطنين
طبعا
قرش الحشيش اللي كان في الثمانينات بـ120جنيه نظرا لندرته وعدم وجوده
120جنيه ما يماثل مرتب موظف محترم وقتها
وكانت الناس تضرب المثل على الحاجة الشحيحة نادرة الوجود
يقولك يا عم في ايه هي مخدرات
دلوقت صعب تلاقي اساسيات الحياة وضرورياتها
لكن بسهولة تلاقي الحشيش
انا زعلانه له يا سي السيد
نزلوا بمستواه اوي بقى كل اللي يسوا واللي ما يسواش
بيتعاطى الحشيش
وبعدين يا عم ما هو في بعض الدول المتقدمة
كل مواطن فعلا له مقدار محدد من الحشيش
ممكن يجيبه من السوبر ماركت
ايه انت مش عايزنا نواكب الحضارة ولا ايه
وبعدين يعني انت عايز كل اللي بيحصل دا
والحشيش كمان يبقى غالي ومش منتشر ولا متوفر
طب ازاي
الناس تنسى ازاي
تفصل عن كل اللي حواليها ازي
اسال النظام
ليه ايام الثمانينات
كان سعره كدا وليه كان شاحح
ودلوقت على عكس كل السلع غير الممنوعة قانونا
سعره انضرب وبقى في الارض
الله يمسيه بالخير بقى
احمد رشدي
كان منشفها على السادة تجار الكيف
كان بيقطع دابر المخدرات قبل ما تدخل البلد
علشان كدا
الراجل يا عيني ما عمرش كتير
زيه زي
كل امثاله
تصدق
انا حاسة اني ايومين دول
رايحة الجونينة لا محالة
سلام يا عم
بس بيتهيألى انه لو كان قرش بمعنى فلوس لكل مواطن كان هايكون أفضل.. بما إن ده مش ممكن .. يبقى انت اللى صح.
تحياتى على بوست جرئ ..
خليك بعقلك بقى للأخر.
سلاااااام
كاميليا
طبعا انا عارف انك متقصدش الحشيش بذات نفسه
إنما انا شايف من وراء كلمات البوست انك تقصد اللامبالاة والتطنيش والفوضى والهيصة وغياب الوعي
كل الحاجات دي اللي هي اصلا من تأثير الحشيش .. بقت ظواهر كلها فعلا موجودة وبكثرة لدرجة تدينا انطباع وكأن فعلا الحشيش بقى في جيب كل مواطن
:D
موضوعك جامد وكنايته عالية اوي
:)
ربنا يديك القوة بقى وتقااااااوم
:)
ونقاوم احنا كمان
الواحد مش عارف البلد دي رايحة فين
انت مش بتريح نفسك خالص
بس والله عندك حق
معنديش تعليق بصراحه مش عارفه اقول ايه
بس على فكرة مش انت بس اللي لسه مجربتوش انا كمان لسه بس انا بحاول اخدها واحده واحده مش اول ما اشطح انطح
بس برضه لو جينا بصينا لحاجات تانيه هتلاقى الناس منقاده وراها زى الحشيش بالظبط
زى التقاليع اللى كل شويه حد يعملها والشباب وراها
وغيره وغيره
بس نصيححه منى الحاجه الوحيده اللى باقيالنا هى دماغنا
وخلى بالك من دماغك
بوست حلو
تحياتى
مش بيقولوا
الصواب هو ما تآلف عليه المجتمع حتى لو كان خطأ
أهو كده بالظبط
خلاص
عادي عادي كله عادي
طب ما بيعلنوا على الخمرة
وفيه محلات ما شاء الله
ربنا يسترها بجد
سلاماتي
فكرة بردو
بس بيني وبينك في السر متقولش لحد اقولك اصل قال ايه الوزرا ورجال من تحت لتحت همه اللي بيتاجروا فيه وهمه اللي بيزرعوه وهمه اللي بيوزعوه بس متقلش لحد ....
تعرف انا زيك لسه مجربتوش اكيد هيطبق علينا المادة.,..,. من قانون العقوبات كل مواطن بلغ الحلم ولم يتعاطى الحشيش او البانجو او احدى مشتقاتهما يعاقب بالسحل لمدة ستة اشهر
يلا بقى استلقى وعدك انا ريح اجرب مليش دعوه
مساءك جديد لنج
ايه الكلام الكبير ده
وبعدين مش عيب عليك انك لحد دلوقتى مجربتوش
والله يا باشا الحشيش ده احسن حاجة فى الدنيا
سلاااام اخد نفسين وارجعلك
وناس ماعادتش تعرف تنام فايقه لازم يخدر
بس أنا لسه ماجرتوش برضو يابو خالو أنا وياك وياك أنا
انا مختش
انا عاوزة القرش يتاعى
وبعدين انت خايف ينزلوه على بطاقات التموين
اهم هيلغوا التموين
مبسوط كده ياسيدى
نعمل احنا ايه بقى ساعتها
انا برده زيك
لسه مجربتش الحشيش
مع انه اتعرض عليا كتير
بس انا قلت ابدا ابدا
بس لو عايز تجرب
انا مجهز الكباية
هات انت بقى الباقى
بهزر طبعا
ربنا ينتقم من اللى عايزين يدمروا الشباب
احنا ناقصين
سلاااااااااااااااام
بوست دماغه عالي
بصراحة ممكن أكون أنا تاني واحد في مصر بعدك للي ما جربتش الحشيش
ولامشكلة أصبحت متفاقمة لحد كبيير
لدلرجة أن واحد بيحكلي عن زمايله اللي في كليات اللي منهم مات بجرعة ز يادة
واللي أتقبض عليه عشان بيوزع كأن الكليات بقت غرز علمية
ربنا يبعد كل شباب المسلمين على القرف و البلاوي دي
و مساء الخير
انا كنت عاملة تحقيق في الكلية عندنا عن الموضوع ده
الحشيش والبانجو وخلافه
المؤسف .. اني لقيت الموضوع عااااااااادي جدا
الردود .. بشرب على خفيف
تفاريح
يعني بنلفلنا سمسون - مش عارفة الاسم مظبوط ولا ايه - في العيد والمناسبات
يعني فرح باة متعقدوهاش
وكذلك بالنسبة للبيرة بردو .. كانزات ال ستيلا مرمية في كل مكان
والازايز الخضرا جمب كل الكافيهات
الاسوا والابشع ان الموضوع وصل لطلبة المدارس الثانوي
يعني لما حتة عيل في 1 ثانوي وبيتعاطى البلاوي ديه
امال لما يوصل الجامعه هينيل ايه
جتنا خيبة
دخل البيت لقى العروسة قاعدة،
قال والله انا كنت عارف في الهيصة دي هاينسوا حد!
قششششششششششششششطه
بل اخطر مما نتصور
لما ينزل السوق كميات مهولة من الحشيش المضروب يبقى فين الامان بقى
لم يعد هناك امانة اطلاقا
الواحد كان الاول لما يعوز يعدل دماغه يقعد ويتسلطن ويشد له كام نفس من احلى شيشة مطعمة باجود انواع الحشيش
وبعدين طلعت الصواريخ
قلنا ماشى ما يضرش
بعدها طلعت الدبابيس
قانا وماله برده
خلينا فى حالنا والشباب الجدد فى حاله
ودلوقت طلعت الغرقانة
وتلاقى الشاب الجديد من دول يدخل دخلة واحدة وتلاقيه هو اللى طالع غرقان
ودمتم
ما عادش فيه محترفين حشيش زى زمان
كلهم اصبحوا هواة
نقول ايه بس
منها لله الحكومة اللى رخصت الحشيش وطمعت كل من هب ودب فيه
وعلى فكرة
مش انت لوحدك اللى ما شربتش حشيش
انا بقى لى سبع سنين ما مسكتش قرش حشيش فى ايدى
الصحة حلوة برده
سلام يا غالى
هو الحشيش بس ؟ بكلمتش ليه ع الخمرة برده محلاتها مفتوحة ع البحرى و بقت موجودة فى الكافيهات عادى كده و مالية شاشات التليفزيون محسسسنى فى كل المسلسلات ان شعب مصر كله سكيرة لا يخلو ديكور منزل من بار
حاججة تحرق الدم
و بعدين بقي ؟
ها تفتح عينين الحكومة علي الإستمورنينج بتاع الواحد ؟؟
و يمكن الحكومة كمان تمنعه من السوق زي البنزين ال 80 .. و يبقي الناس عليه بالطوابير !!
---
ما تسيبوا الشعب ياخد الإصطباحة بتاعته بقي
---
تصدق انا اتسطلت على الريحه
والله منهم لله اللى بيوزعوا البلاوى دى على شبابنا
ربنا معاك يا سى السيد وتبقى قد المقاومه الشعبيه دى وتقاوم وتقاوم وتقاوم
ممكن تقولى كل المصطلحات اللى بتتقال فى الموضوع ده بجد مش بهزر زى قرش دى وطابع لانى محتاجه اعرفها لخدمة العلم اولا وكمان اختك غلبانى برضه العلم نورن
طب ما انا ايدي فاضية اهي
:)
ياما شوفت من البلا الأزرق ده في الإستقبال بتاع المستشفى
بس الصراحة بيبقوا احلى عيانين
بيبقوا دمااااااااغ
ربنا معاك وتصمد للنهاية
بدل ما البوست الجاي يبقى:
الحشيشة لاتزال في جيبي
:))
ربنا يهدى الظلمه
اللى خلو السباب يائس كده
بس الغلط ع الشباب برده
فين الدين
مافيش التزام
وللاسف الملتزمين مش عاجبين
بلاش اتكلم بقى لاطق
تدوينه جميله
وعنوان المدونه حلو جدا
بيرجعك للقديم
الناس عايزه تنسى
وهما عايزين الناس تايهه
فبحبحوها شويه علشان الناس تنسطل
ومايوجعوش دمغاهم بكلام عن الحريه والديمقراطيه
مافيش حاجه رخصت
الاهو
بس شكلك كتبت البوست
ده بدماغ رايقه
ههههههههههههه اوعى تكون
بتعمل زى سى السيد فى الفيلم طبعاهزار
تسلم ايدك ده كلام ناس واعيه
تحياتى لك
خلى الشباب يتمتع
وبعدين ماكل حاجه غاليه
اشمعنى الحشيش هو اللى جيت عليه وظلمته
مش كفايه انه بقى مغشوش وما عدش زى الاول
وربنا يسهل ونجربه كلنا
ونحقق لك حلم حياتك
سلام يا برنس
الحمد لله مطلعتش الوحيد
انا كمان ربنا كرمنى ومجربتوش
وهو فعلا منتشر بطريقة غريبة جدا
لدرجة انه مبقاش يقتصر على الافراح والاعياد بس زى زمان
بقى موجود فى كل مكان
لدرجة انى انا
بشوف ناس شغالة معانا بتشربه زى السجاير
وشغلنا حكومى كمان
هنقول ايه
ماخلاص مفيش حاجة نقولها
تحياتى ياصاحبى
وبجد طبعااا فى عزموهه طبعااا
بس لما مبارك وعيله يسبه البلد
قريب جدااااااااااااااااا
ازيك يا سى السيد
كلك نظر
المهم لو الحكومه نفذت
الى فى دماغها مش يشيلوا
الدعم لا (قرش لكل مواطن)
تجبلى القرش بتاعك
اعنهولك عندى فى الأمانات
وقرش على قرش
انت عارف الباقى.....
تحياتى
سي السيد
بقينا إثنين
يلا نعمل جمعيه
:):):)
تحياتي