متى توفي سيدنا نوح؟ وما هو آخر طلب له قبل وفاته؟

دولة البهالهعلماء الإجتماع والفلاسفه حدد الدوله ومعانيها وأركانها وأنواع وتصنيفات المختلفه للدول
وأركان الدوله وهناك تصنيفات كتيره للدوله لكنهم كلهم تجاهلم دولة البهاله
مع إن التصنيف ده أكتر تصنيف إحنا نعرفه وعايشينو
فدولة البهاله
هى الدوله التى يدعى سكانها الهبل فى تحقيق أهدافهم أو تسليك أمورهم
فالأصل هو الإدعاء أو الإستهبال يعنى الكل بيستهبل عشان يمشى مصالحه
فالمستهبل هنا هو كل أركان الدوله
من نظام حاكم وشعب
يعنى مثلا النظام المستهبل {النظام الحاكم} لما يطلع يقول
نسبة البطاله 6% دا إسمه إستهبال لما يقول كبير المستهبلين
الكل عرفه } إن إحنا أكبر معدل نمو فى العالم ده إسمه إستهبال }
غير المستهبل الكبير
إللى فضل شوية سنين كتار فى منصبه ده بنظريه المستهبله
ودى كل عرفها إللى إحنا بنقول عليها {99.99} ولما النظريه بدأت تفقد خطورتها
دعمها وزاد من فعليتها و إستهبلها عن طريق الإستهبالقراطيه أو الديموقراطيه
وعاونه فى كده شويه مستهبلين صغيرين وعاملو أستهبالات إللى إسمها فى الدول التانيه الانتخابات
ومسك منصب المستهبل الكبير ولوقتنا هذا بيستهبل علينا
يعنى أفتكر مرة المستهبل الكبير مره فى حوار فى تلفزيون بيقول
إنه خايف على الشعب من الرخاء عشان مشاكل الرخاء من إنتحار
 يا سلام على الاستهبال
يعيش المستهبل الكبير
إللى خايف علينا من إحنا نموت نفسنا
وده كان عن المستهبل الكبير دا غير المؤسسات المسهبله
يعنى مثلا فيه قسم فى المستشفى إسمه الاستهبال
ودا إللى كان إسمه أيام زمان الإستقبال
يعنى من يومين تعبت تعب جامد فى صدرى ومش عارف مصدره الرئه ولا عظام
قولت نطلع على المستشفى وهناك كان فى قسم الاستهبال فى أنتظارنا
مش دكتور والله إللى كاشف عليا ممرض ومعرفناش إلا فى الآخر
و إللى غيظنى عن انا كنت بقول له يا دكتور وعرفنا لما سألنا
إن كان ممرض بيلعب دكتوركل يوم ويستهبل على الناس وهو كل إستهبال


نيجى للشعب ودا ماشى مستهبل يعنى مثلا البنات ماشيه مستهبله فى الشارع
لبس وكل حاجه { إلا من رحم ربه} الناس بقت ماشيه تايهه فى الشارع
يعنى جميع المخدرات بقت بتتباع فى الاسواق وهو كله إستهبال
وبقى لهم سوق حتى إحنا عدنا بنستهبل
على يعض فى كل حاجه يعنى أنا مثلا طول الأجازه عامل نايم وعيان عشان معملش حاجه
أما اطلب اى حاجه من حد يعمل مش سامع وتسمع شريط آه آه آه


نيجى لمستهبل الشعب وده إللى بنرشح فيه شوية مستهبلين عشان يطالبو بحقوقنا
ودول يستهبلو أجدع إستهبال الصحه عال عال أيام الاستهبالات
إللى هى فى الدول التانيه إنتخابات وأمراض الدنيا تجي لهم بعد ماينجحو
وما نشوفهم نلاقيهم نايمين فى المستهبل
الاستهبال له قدره عجيبه على الاقناع لما واحد بيستخدموا معاك كل إللى بتعمله تقول له إنت هتستهبل
وخلاص والعمليه تمشى
وله ادوات يعنى النظام الحاكم يستخدم الاعلام ويعتبر عامل أساسى فى النظريهبس ياترى النظريه هيجى وقت وتفشل
ولا هى بقت عملية إستهبال متبادل