متى توفي سيدنا نوح؟ وما هو آخر طلب له قبل وفاته؟

........فى البدايه أحب أوضح ان يومى مختلف بعض الشئ عن يوم الموظف فالموظف بيروح الشغل انما انا بأسرح<مصطلحات صنايعى> الموظف بيأخذ أجازه انما انا بأبارك<مصطلحات صنايعى > الموظف بيروح الشغل بدري عشان فيه دفتر حضور و انصراف انما انا براحتى هأسرح متأخر هامشى من الورشه متاخر يعنى كله بمزاجى المهم يومى يبدأ فى حوالى الساعه الثامنة أو التاسعه مع زحام شديد على الموقف على فكره عشان تركب بسرعه عليك بفاتنه من فاتنات الميكروباص ستجدك داخله دون ان تدرى الى انا تصل الى الورشه وهناك اليوم يبدأ بالقران الكريم طبعا مش انا اللى بقرأه ،انما اذاعة القران الكريم لعشقنا نحن معشر الصنايعيه لهذه الاذاعه فى الاصطباحه وماهى الادقائق ويطير المؤشر الى اذاعة الاغانى لتبث فينا روح النشاط حتى يأتى صلاة الظهر ونروح نصلى واحنا راحين نرتاح من الشغل اصلا الا من رحم ربى؛ ثم ياتى موعد الغذاء فنسال نفسنا نفس السؤال: هناكل ايه ؟ونفكر كتير مع ان مفيش الا الفول والطعميه وبعديهانشرب شاى مع انى ماأحبوش بس مرغم طبقا لطقوس الصنايعيه ؛ثم بعده نسلى نفسنا ببعض الاحاديث واللى أهمها مصارعة المحترفين وابطالها واسامى غريبه وكل ذلك مصاحبا لبعض المقطوعات الغنائيه للموسيقار عماد الدين بعرور والفنان الهادئ حامد عبده والبانجو مش بتاعى الى ان يحين وقت ونخلص الشغل ونغسل ايدينا من السلر والغيره وكل مستلزمات الموبليا ونفس المعاناة وانا سارح بتتكرر وانا راجع؛ الزحمه ولكنى أركب وسط القوات الخاصه التى تطير من شبابيك الميكروباص ..اقتصارا فى الوقت فى النهايه بركب سادس فى كرسى، ولكى انسي متاعب هذه الركوبه اسلى نفسى بتفكير.... هى الحاجه طبخت ايه ؟اكيد فراخ كانت قلتلى ها عملهالك ولا صنية بطاطس بلحمه من زمان مكلنهاش ولكن كل هذا يتحطم على ..........................عدس



وكانت هذه يوميات الصنايعى الجامعى فى محافظتنا الى يضحكوا علينا ويقولوا: مفيش فيها بطاله ؛هو الحلال ان اكثر من 10000 شاب جامعى يتعلمو احسن تعليم عشان يبقى صنايعي؟ ............ده حرام