gone with the wind
متفهمونيش غلط سى السيد مبيدورش على حبيب تاه منه دى بكل بساطه حبيبته؟؟>أمينه مستقبلا< بعدما رأته فقد 35 كجم من وزنه بعد نجاحه فى تنفيذ أقصى انواع الرجيم وتقوله انا ما اقولتلكش كده
حبايبى المدونين ما هو سى السيد برده حساس افضل زى ماكنت ازاى وحبيبتى <أمينه مستقبلا< مساكنى شفت تامر حسنى وشقاوته أه ولا شفت السقا وحركاته طب أنا راضى حكمكم حبيبتى >أمينه مستقبلا< بككلامها حسيستنى ان أنا سي السيد اشطا
ايوة عملته عشان خاطرك وعشان خاطر اصحابى واحد خفيف يقول لصاحبه الشمس مطلعتش النهارده ليه يرد يقوله سي السيد ناشر قميصه والظريف التانى خمسه يا كابتن الجدار قديم وعشان كل ده عملت رجيم متسألش جبت العزيمه منين منا سي السيد وعلى أنغام الدنيا ريشه فى هوا بدأت رحلة النجاح وكنت فاكر انى هاهرب من التعليقات السخيفه
ولكن سي السيد انصدم با مدونين
هرب لتعليقات اسخف خفيف يقول لصاحبه سي السيد بيلعب كمال عظام ولا ايه ولا تسمع مصمصة الشفايف خبط الايدين على بعض وأسمع همس كلام ناس والقط منه 57357 ورد بسخريه تعاطفك مش كفايه الناس شككتنى ان انا عيان ولازم اكشف اشعه على المعده والكبد وقال الكلى اتحركت من مكانها يا سلام شوية تحاليل على رسم قلب تخيلم سي السيد بياخد علاج انيميا واله باخد علاج انيميا ما هو دوام الحال من المحال
رحلة النجاح شكلها خدت كرسى فى الكلب وراحت الحبيبه مع بعض كلمات الرثاء والسخريه قالتى انا فى كلية طب ومحتاجه هيكل عظمى انا كان نفسي اخف وزنى موش ابقى لوحدي
انا الواقتى بكتب مذكرات الرجل الذى فقد نصه
الله يرحمك يا عم نجيب محفوظ مت قبل ما تشوف البهدله الى وريتها لى سي السيد
تعليقات
انت ما خلفتش رجالة يا سي السيد
فين رجالتك وازاي سايبين كل التريقة دي نازلة على طربوش سي السيد
وبعدين سي السيد عمره ما عمل حاجة علشان خاطر امينة
امينة كانت دايما هي اللي بتدور على خاطره
وبعدين انا اللي ههاقولك
مهما تعمل عمرك ما هاترضي اللي حواليك
يبقى اهم حاجة انت تكون راضي
المهم امينة اللي جواك
نفسك
ما انت لازم تحب نفسك قبل اي حاجة
وشوفها مرتاحة في ايه واعمله
اديك تخين متريقين
رفيع متريقين
ياسي السيد
عيش نفسك
هاتعيش للناس
تبقى انت مش عايش
مالهم التخان
مش بشر
اديك رفعت وبعت وزنك
اللي اكيد كان عشرة عمر
لالالالالا
بقولك ايه
كل كدا حاول ترجع زي زمان
وطبعا انت فقدت الوزن دا كله
في فترة قليلة
طالما ادى للاعراض الحالية
من تاثير على الكليتين وصحتك عامة
حاسة اني عمالة ارغي والك كتير
وبلدياتك مش هايعتقوني
بس ولا بيهمني
انا بحب الرغي
المهم الف سلامة
ويارب تسترد صحتك كاملة
وطلع اراء الناس من حساياتك
واللي يتريق عليك بكلمة
ردها له بعشرة
والجزاء من جنس العمل
والبادي اظلم
ما كانتش شايفاك من البداية
علشان تقعد تنبط عليك كدا
لالا
شوفلك امينة مستقبلا
تاخدك كدا كلك على بعضك
فكر وقلب ووزن
بعد ما ترجعه طبعا
او بانيميا كدا لو فضلت بيها
سلامي لك
ومفيش سلام لأمينة
بجد بوست جمييييييييل
ومبروك الرشاقة ياسي السيد
بس مش لدرجة.. اتبرع ولو بجنيه يعني
ان شاء الله بكرة طبيخ الست أمينه
يرجع لك ما ذهب مع الريح
تحياتي
انا بصراحة وانا بكتب كلمة سيى السيد دى حاسة بالدونية ولازم دلوقتى انادى بحقوق المرأة قصدى حقوق امينة اللى ماحدش نصرها لا وقف جمبها
يالا ومبروك الريجيم
انت زى القمر من غير اى حاجه
وانا بالرغم انى متضايق من حكاية الرجيم دى
ومصر انى عمرى ما هاعمله
على الرغم من انى فى امس الحاجه له
بس دى حريتك الشخصيه
وسيبك من التعليقات على نتيجة الرجيم
مش قبل كده كانوا بيعلقوا برضه
والله صعبت عليا يا سى السيد بجد
ومش عارفة اعمل اية اقلك ابعت ايميل لنجيب محفوظ يمكن يعملك حاجة
هو صحيح انا زعلان منك بسبب الرجيم لانه كان قاسى جدا لكن بسيطة باذن الله
وصحيح ان أمينة كانت عاوزة لكن انت اللى ما أخدتش بالك وملحوقة ده مفيش أكتر منهم فى البلد
سلام
سيبك منهم دخولك المدونه هو شرف لى والله متتخيليش قمة سعادتى لما بقرأ تعليقاتك مش عندى لا كل المدونات
فعلا انا هبدأ اعيش لنفسى لأنك متتخيليش مقدار العذاب من التعب الى جرالى من عملية الجيم وفعلا كانت رحلة علاج جامدةتعبت فيها بالاضافه لتعب فراق ست أمينه
حتي لو بهزار مش ذوق ده يعني يتريقوا
بص تخنت خسيت اللي جوا الجسم التخين واللي جوا الجسم الرفيع هو أنت برده
والأهم من اللي برا اللي جوا
وماتزعلش ان شاء الله قريب هتلاقي أحسن أمينة في الدنيا اللي تقبلك بكل الأحوال تخين بقا رفيع مايهمهاش ماهي عاوزة اللي جوا وبس
بقيت انت اللى بتسمع كلام امينة
لحد ما عملت رجيم قاسى
والسوارس صدمتك يا سى السيد
وبعدين انت كنت الاول زى العسل
لازم يعنى تسمع كلامها
اشرب بقى يا معلم
الموضوع مش بالوزن
مش بالكيلو
بس ماشاء الله عليك
وعلى قوه ارادتك ووصولك للرشاقه
طبعا مش سى السيد
بس اهم حاجه تحافظ على صحتك
اللى بيحبك
يحبك زى مانت تخين ولا رفيع
اكم ناس مسمسمين ومنمنمين
وماتقدرش تقعد معاهم
من هيافتهم او سوء اخلاقهم
وبعدين لو امينه حاتقولك
تامر حسنى وعمر دياب
قولها ماتنسيش ياروحى
نانسى عجرم وهيفاء وهبى
الموضوع مش شكل
توافق وتكافىء وتلاقى ارواح
مع بعض
اما اللى بيتريقوا
دول لايستحقوا ان تعطيهم اهميه
دى غيره
اسلوبك رائع ومدونتك جميله
تحياتى وسلامى لك
وامينه لأ لحد ماتتعدل
اخشوشن شوية يا بنى كده - اينعم الرشاقة حلوة ومطلوبة وصية بس مش لدرجة انك توصل للأنيميا - الاعتدال مطلوب برده
ثم اللى تبقى معاك وانت متختخ وتسيبك وانت مرفع - تبقى عجبها تامر حسنى جاهز - او كان عجبها التختخة بس مبتقولشى اللى فقلبها
كون كما انت ولا تكن كما يريدونك ان تكون
ان استطعت ان ترضى بعض الناس بعض الوقت فلن تسطتيع ارضاء كل الناس كل الوقت
تحياتى على مدونة عسولة وجميلة ودمها خفيف -- هبة
دكتوره الله يبارك فيك ممكن استشاره لو سمحت فيه أكل غير العسل الاسود للانيميا انا بكره العسل الاسود
حقوق ايه حرام عليكم انا الى بطالب بحقوقى
نورت المدونه ياريت تتكرر الزياره
مايصعبش عليك غالى
وصلم نت هناك ولا قولك انا هاشوف حد رايح وابعت معاه شريط وجواب
انا كنت فى انتظار تعليقك من زمان بجد
يا جماعه والله الى نعرض للضغوط دى لازم كان يعمل زى
بس بجد نورت المدونه
صدقينى والله انا فغلا كانت ضغوط شديده بصرف النظر عن الى كنت بحبها الاراده كانت نتيجة ضغط عشان كده نزلت 35كجم فى شهر ونص
اما بخصوص امينه هى غلطتى انا كنت محسسها انها ولا نانسى عجرم لغاية لمل حصل الى حصل
متتأخريش على زيارة المدونه كتير كده المدونه من غيركم لاتساوى شئ
سلام
استاذه هبه انا كنت كل مبرفع بخاف اكل لتخن لغاية لما جرى الى جرى زياره مش عاوزه تكون الاخيره عاوزين طلتك دى على طول
ممكن اضيف مدونتك عندى
قلتلك اعمل الرجيم معايا فاتك اختفيت الوقتى وعملت كل الى نفسك فيه سلام يا معلم
ابو سويلم
انت الى عسل بالنسبه لامينه على رأيك
تخاريف دكتور
الحزب اعضائه بيكترم متخافش لازم يبقى فيه معارضه
دكتور كسلان
مش انا سمعت الكلام وبقيت رفيع غيرى بقى
أنا مش هاخبي عليك
أحسن حاجة لعلاج الأنيميا هي
..
اللحمة ثم اللحمة..ثم اللحمة
اي والله..وربنا معاك بقى
ولو ان فيه حل أسهل
ممكن تاكل من العيش بتاعنا الى كله مسامير
واهو كلللللللله حديد ياسيدي
وألف سلامة عليك من الأنيميات كلها
ان شالله الانجليز
كان نفسى اعمل زيك بس مليش فى التكنولوجيا ومليش نفس اتعلمها
تحياتى
هبة
طم ططم طم طم
أسمعوا وأعوووووووووووو
لقد قمنا بنشر الفصل الجديد - للقصة المجنونة والجوهرة المدفونة - كشف المستور - وعلى الحاضر أنه يعلم الغايب بحضور المدونة لقراءة القصة وكتابة التعليق - وعلى كل زاير انه ميدخلشى الا برجله اليمين ويجيبلى حاجة حلوة قوى فى ايديه
يا اهالى البلوجات الكرام
مستنياكم كلكم
تعالوووو زوروووووونا
باى باى
دوبه
بس اللي فهمته ان حضرتك عملت ريجيم علشان خاطر امينة
مبروك عليك الريجيم
بس كان لازم تكون عايز تعمل كدا علشان انت عايز تعمل كدا
بحس شوية ان الحاجات ديه حتى لو كانت خارجية بس هي الشئ الوحيد اللي بيوصف الشخصية
زي الشباك اللي بنبص منه علشان نعرف اللي جوا
يلا ما علينا ..
متعذبش نفسك وكل اللي نفسك فيه
:)
السندباد المصرى
بص يا سيدى
العسل الاسود عمرة ما هيعملك حاجة
تعالى عندى وانا اجيبلك شوية عسل ابيض
وباذن الله تروح الانميا دى خالص
اوك
not for free
الف شكر يا دوك
أشوفك وزيرة لصحه يا رب
بس أنا شايف لانيميا احسن البديل صعبه
شكرا على الزياره الجميله انا كنت فى انتظار هذه الزياره بس بجد نورت المدونه
اهلا يا عم مبروك
ياااه انت كنت فين
انت لسة مضفتنيش عندك ولا ايه
كدا مش هتاخد عسل
والمشكله الى شكلها مش حتتحل
لان النت مقطعش لحد دلوفتى
يعنى هنفضل زى ما احنا
اوك
سلام
:)
لا حلوة دى
وبعدين غريبة فعلا
انا موافقة على رجوع سى السيد لو كان بيسمع الكلام ومطيع كده
:)
مفيش سى السيد مطيعلانه كده ميبقاش سي السيد
وشكرا على زيارة الدونه واتمنى متكونش الاخيرة
:)
أول مرة اجي..بس بجد أسلوبك حلو أوي
بسيط وفي المتين :)
بجد أنا بغبطك...ما شاء الله لا قوة إلا بالله...طيب هاتلي نص العزيمة اللي عندك أو قولي جبتها من فين عشان أشتري حبة
:)
الأنيميا مالهاش دعوة بالتخن والرفع...ديمجرد سوء تغذية...يعني خد بالك بقى من أكلك وانت إن شاء الله تبقى كويس أوي
أمينة دي غلبانة معاك أوي...مش عارفة تعمل معاك إيه ولا إيه...انت مش مريحها ولا مخليها ترتاح
أقولك...البني آدم مش هيعرف يريح غيره غير لما يبقى هو مرتاح مع نفسه الأول
ريح غنت نفسك وملكش دعوة بغيرك
وأنا شخصياً مبدأي في الحياة ألبس اللي يريحني وآكل اللي يعجبني واللي مش عاجبه ميبصش :)
يشرفني إنك تضيف مجونتي طبعاً
ويا ريت متقطعش زيارتك ليا
:)
نوني
دمك خفيف اويييييييييييييي
هههههه
والله لسه بضحك
بس فايه كده لتختفي
الى شاف الى انا شوفت العزيمه
هجيله لوحده
نورت المدونه متكونش الزياره الاخيره
ايه التقل ده
فين التعليقات
متعتبرش زياره مستنى الزياره التانيه
شكرا على اذنك
شكرا
ماليش فية يا سي السيد
هو دة اخرتها يا محترم
ولا بلاش