ما الفرق بين الذنب والسيئة؟

١- اهم حاجة إنك تحط في دماغك إن كل ده نصيبك و مكتوبلك و هتاخده .. مكتوبلك هتعمل ايه في الامتحان و هتجيب كام و هتدخل كلية ايه .. المهم إن يكون عندك إيمان ان ربنا مش هيعملك حاجة وحشة و إن سواء جبت ٩٩,٩٪ او جبت ٥٠٪ فـ ده خير لك ..
٢- السنة خلاص خلصت و لازم تعرف إن ربنا مش هيضيع تعب حد .. [ إن الله لا يضيع أجر من أحسن عملاً ] .. و إن رزقك اللي مكتوبلك هتاخده
٣- اقسم بالله الثانوية العامة ما نهاية العالم .. لو جبت ١٠٠٪ مش هتدخل الجنة يعني و لا هتطلع الفضاء .. سواء دخلت كلية من اللي بيقولوا عليهم قمة دول او لا .. فـ الكلية مش هتعملك قيمة .. قيمتك في شخصيتك و عقليتك .. عمرها ما كانت في تعليمك
٤- ناس كتير أعرفهم خريجين هندسة و جايبين مجاميع كبيرة .. و اتبهدلوا ٥ سنين في الكلية .. و في الاخر عملوا Carrier Shift و غيروا مهنتهم ..
٥- جوجل و ابل و مايكروسوفت و غيرهم من الشركات الكبيرة .. لغوا جو الشهادات و التقديرات .. المهم عندهم الكفاءة .. حتي لو أنت في كلية بتاخد من ٥٠٪ و بتسقط فيها كل سنة .. فـ اللي بيقولك الشغل بالشهادات ده بيضحك عليك
٦- طلع نفسك من جو التوتر و القلق و هدي نفسك .. لو مزاكر ٢٠٠٪ و متوتر هتغلط في الامتحان و هتنسي حاجات كتير و هتضيع مجهودك .. اهدي و خليك واثق في نفسك و متسمعش كلام حد بيوترك و يقلقك .. ثقتك في نفسك ٥٠٪ من حلك في الامتحان
٧- شوف اي حاجة بتطلعك من التوتر و القلق و اعملها قبل الامتحان [ تقرأ قرآن - موسيقي - تمارين استرخاء - اكل .. ] المهم انك تروح الامتحان بـــارد و هـــادي

٨- متروحش الامتحان و أنت مطبق .. متروحش الامتحان و أنت مطبق .. متروحش الامتحان و أنت مطبق .. متروحش الامتحان و أنت مطبق —— لازم تكون نايم كويس طبعا مقصدش ٨ ساعات

علي الاقل ساعة قبل الامتحان ..

٩- دخلت الامتحان خلاص .. أقرأ الفاتحة أو [ اللهم لا سهل إلا ما جعلته سهلاً ] .. هدي نفسك .. استجمع تركيزك و ابدأ

١٠- حل كل اللي أنت عارفة في البداية و سيب اللي مش عارفه في الاخر خالص بعد ما تخلص عشان متضيعش وقتك

١١- لو اللجنة سايبة متغشش حد إلا لما تخلص خالص .. خصوصاً لو أنت من النوع اللي بيتوتر جامد .. عشان متطلعش من تركيزك و تغلط و تتوتر