متى توفي سيدنا نوح؟ وما هو آخر طلب له قبل وفاته؟

من نعم ربنا علينا إنه عز وجل جعل من المصائب مكفرات للذنوب

وأنا والله العظيم مؤمن جدا بذلك ومبزعلش من اى حاجه بتحصلى

وأقول فى نفسى هم فى الدنيا أخف من عذاب الآخره

لكن مصيبتى كبيره مش عارف بتكفر عن ذنب إيه أنا عملته

أنا بفكر كتير أنا عملت إيه فى دنيتى عشان يحصلى كده

أنا معدتش أقادر أستحمل لا عارف أضحك و لا قادر أرفع عينى فى عين حد

على طول وشى فى الأرض والناس تضحك أول متشوفنى

وترمى كلام من إللى يحرق الدم مع إن انا ملياش ذنب فى ده دى حاجه غصب عنى

انا قاومت بس مقدرتش فى أوقات قليله بيكون عزائى إن مش أنا لوحدى

فيه زى كتير بس كله بيخبى ما هى دى حاجه متتقلش ولا حد يعرفها

إزاى و لإمتى منهم لله إللى كانوا السبب وشجعونا على كده ما أنا كان زمانى كويس

وزى الناس ليه أبقي زملكاوى حرام والله كتير حاولت أغير بس مبعرفش

بحس إن دى بقى هى اللعنه يتغلبوا ماتش واتنين نقول خلاص

مش هشجع الزمالك انا هحرق دمى ليه يجى الماتش التالت

ويغلب ونلاقى عودة الروح والمدرسه فتحت تانى

نقوم زى الشطار نعد نهيص وترجع ريما لعادتها القديمه

ونتغلب من طوب الأرض إحنا أعصبنا باظت

والأهلاويه ماشيه معاهم حلاوه مبسوطين وبيضحكم على طول

راسهم مرفوعه دايما ميزعلوش يا بختهم لهم حق ما إحنا مفيش أى بطوله

دا حتى دخلت الدوره الرمضانيه عندنا باسم الزمالك إتغلبنا وطلعنا من الدوره

وهم بقى إفريقا هيخدوها زى كل سنه والدورى برده وطبعا الكاس والسوبر

حرام حرام حرام

حتى بنت أخويا شيم إللى جابت 3 سنين بالعافيه لقيتها بتقولى أبو كريته

وبعد فترة إستيعاب عرفت إن أقصدها أبو تريكه لقيت وش سخن

وحسيت بحراره غير عاديه فى وشى وشعر وقف وأعدت أزعق بصوت عالى

معدتش تجيب سيرته أنا بكره بكره بكره

والبت عرفت إللى فيها وفى الراحه والجايه

ابو كريته أبو كريته أبو كريته

بقيت كل إللى أعمله اسيب البيت وأخرج ألاقى اصحابى الأهلاويه بيضحكم يا بختهم

والحزين إللى غيرى فى الشله مركون فى جانب على الأرض

وشه فى الأرض

يا عينى والسهره عنده تريقه وإشتغالات

المهم أنا عاوز أعرف إللى بيحصلى دا أنا أما بأذى حد بيسمحنى

انا كنت فى الأول زى الناس إللى بتضحك منه لله

إنت عاوز تبقى منشق عن العيله

إنت لازم تبقى زملكاوى فاهم يلا........... أنا والله راضى بنصيبى

وقسمة ربنا عز وجل ومش معترض

بس أدعولى

انا محتاج دعواتكم

هتدعولى