القائمة الرئيسية

الصفحات

يا عينى عليك يا سى السيد



كعادة سموى استيقظت من النوم متكاسل زى كل يوم يعنى مفيش جديد


أخدت الشاور المعتبر وبدأت أهيأ نفسى لمسسل كل يوم


صوت والدى العالى وزعيقه على الفاضى والمليان


بس فعلا بيحصل حاجه


أنا لسه نايم ولا


والدى ساكت ومركون فى جانب وباين عليه الهم


والأغرب إن أمى إللى صوتها عالى وبتزعق


معقول الست الغلبانه دى تزعق


من فرحتى وشماتتى فى والدى محاولتش أفكر


وخرجت وانا برقص من الفرحه


بس فعلا إللى بيحصل غريب


الرجاله ماشيه فى الشارع حط وشها فى الارض


وكأنهم مش فى الدنيا


ببص فوق لقيت الحاج رفعت جارنا الراجل المحترم


لا أكيد أنا بحلم
الحاج رفعت بينشر الهدوم فى البالكونه


إتفزعت طلعت أجرى


لقيت الأستاذ محفوظ جارنا لابس الفالنه الداخليه ومركون جنب البيت


وبيحرق فى سجاير سألته فيه إيه قالى إنت مش عايش فى الدنيا


مش عارف المصيبه إلى حصلت لرجالة البلد


مصيبة إيه


قالى وعنيه كلها حسره وألم رجولنتا خلاص معدناش إنتهينا الرجاله خلاص


وفضل يبكى ويقول مش عارف ليه ما إحنا كنا كويسين


معقول الأستاذ محفوظ بيعيط
وفضل يقول معدتش قادر أرفع عينى فى عين مراتى خلاص مصدر قوتنا راح


!!! ودا عندنا بس!ّ!!


لا مصر كلها بقت كده لهم


ما إنت لابس تى شيرت بترتر وكوتشى


لهم حق يعملوا كده


إنتهينا منهم لله
قولتله أكيد إسرائيل
هى إللى عاوزه كده


قالى إسرائيل مين ولقيته طلعلى جورنال المصرى اليوم


يقول دول الجماعه إللى قولت هيصلحو حال البلد ويقضوا على الفساد


طلعوا هيقضوا على الرجاله


مسكت الجورنال وبقرأ لقيت خبر


دكتور عبد المنعم أبو الفتوح يقول إن البرنامج الحزبى للإخوان المسلمين


من حق المرأه الترشح لإنتخابات الرئاسه


وفجأه


محفوظ محفوظ محفوظ


دى زوجة الاستاذ محفوظ


ولقيت الأستاذ محفوظ قفز ودخل البيت زى الطلقه


بقى دا الأستاذ محفوظ


إللى كل يوم أروح على صريخ زوجته وهو بيضرب فيها


وفضلت أعاتب نفسى أنا السبب أنا إللى عملت كده


أنا كان مالى


لازم ألبس تى شيرت ترتر والكوتشى الاصفر
وأخذت القرار وقولت لازم أصلح الغلط مهما يكلفنى


لازم أرجع زمن سى السيد


لازم أرجع الهيبه للرجاله
وقولت الحل إنى لازم
أربى شنبى
هل اعجبك الموضوع :

تعليقات

‏قال أبوسويلم
وتفيد بايه يا ندم
يا سى السيد ده واقع ومحتوم
الجنس اللى بيسموه لطيف ما عادش لطيف خالص
دول كمان توحشوا وسيطروا على كل حاجة فى البلد حتى الرياسة عاوزين يوصلولها
طب احنا نعمل ايه
دنييييييييييييييا
بجد
كلام الدكتور ابوالفتوح راى شخصى مش اكتر يعنى مش راى الجماعة
وبعدين لو حصل واخدوا الحق ده هيكون حبر على ورق مش اكتر لانه يستحيل يطبق فى الواقع

دايما كده يا سى السيد بوستاتك جريئة ومنصفة للجنس السامى الرجل يعنى
منهم لله اللى كانوا السبب
سلام يا عم عيالى
‏قال مدحت محمد
هو الاخوان غيرو من نفسيهم كدة ليه
عشان السلطة يمكن
ولا بيرضو الشعب
ولا دى سياسة
انا مش فاهم حاجة فى اى حاجة
ما علينا
ربنا يستر
‏قال Ahmed Al-Sabbagh
صديقى العزيز عم الرجال ابو السيد

جميل اوى اوى
ومفهوم المغزى منه
بجد فكرتة حلوة اوى وانا قريتة مرتين

اما بخصوص موضوع الاخوان
فياريت تتأكد من الخبر ده لان فى جرايد بتألف
انا مش متأكد ان كان الاخوان بيقولو كدة ولا لأ

بس بجد مقال جميل اوى

والمدونة كلها روعة

وياريت ما تحرمناش من زياراتك

تحياتى
أحمد الصباغ
‏قال خيرالدين
أظن انت عارف انا لو علقت هاقول ايه


بلاش

البوست فكرته جميله يا برنس
‏قال مشروع انسان
يا راجل يا عسل
يعنى الجماعة تطلع فى كل وسائل الاعلام تقول رايها فى الموضوع بعلو الصوت
ويؤخذ عليها من كثير من الناس
وهو عدم جواز ترشح القبطى او المراة
وحتى لو الدكتور عبد المنعم قال كده
فده رايه
مش راى الجماعة
لازم نكون منصفين
واعتقد راى الجماعة
نشر بضجة فى الجرايد وكل وسائل الاعلام
ومش محتاج اننا ناكده
خليك حيادى يا راااااااجل
‏قال ما علينا
ايه دا انت عملت جمعية

الرجال المتحدين

ايه يا سي السيد
ما احنا بنقولك ياسي السيد اهو
واخر تمام

واعتقد
ان اللي انت عايز تقوله من خلال البوست

لازم يكون مؤكد بشكل قاطع

قبل كدا اتاخد كلام
من وسط حوار كامل للمرشد العام للجماعة
واتعمل بيه مانشتات

وفي الاخر طلع محض افترا لما
الحوار كله يتسمع على بعضه


وبعدين بقى
تقلع التيشرت
وتربي شنبك
ولا حتى تربي صقور فوق شنبك

انسى
وغني زي حليم


راح راح راح راح راااااااااااااح

عايزنا نرجع زي زمان
قول للزمان ارجع يا زمان


لو تقدر ترجع رجالة زمان

من غير نقاش
الستات هاتلم تعابينها
وترجع لقواعدها سالمة

كان في مثل فلاحي قديم
بيقول ايه

الفرخة لو اذنت ادبحها

الأيام دي بقى

الديوك يظهر عندها مشاكل في الاحبال الصوتية

والفرخة ي اللي بتأذن


سلام بقى
يا سي السيد
الله عليك ياسى السيد

بوست روعة.. مش ممكن

طيب أقولك؟ إعمل إستفتاء تشترك فيه البنات بس.. هتلاقى اكتر من تسعين فى المائة يفضلن عودة سى السيد
وأحب الجمل إليهن هى
((أميييييينــة))بصوت جهورى كله تهديد جميل

كاميليا
‏قال kikooooooooo
حبيب قلبي
وصديقي في الكفاح عن الرجالة قصدي رجالة مصر والزملكاوية برضه
تسلم إيدك الي داست علي الكيبورد وكتبت البوست ده
معلم من يومك وأصبت قلب الأحداث
فعلا أنا خايف علي نفسي الفترة اللي جاية من المخلوقات اللي اسمها الستات ديه
ربنا يستر علينا فعلا
وفعلا البلد ديه مش محتاجة إلا سيد السيد والأخت أمينة
تحياتي ليك يا مان ولبوستك
صحيح مبروك للنجم علي الكأس ولا عزاء لأي حد مش عاجبه
كان معكم ..,
كيكووووووو
‏قال على باب الله
هههههههههه

بوست دمه خفيف قوي

---
‏قال WiLdBiRd
ههههههههه

ياه هو ده اللى مزعلك


بس لو اللى هتعمله ده غير حاجة

ابقى قولى

يعنى هما رجالة مصر من غير اشنبة

ههههه

ولا انت اللى هتجيبها على اساس ان اسمك سى السيد
‏قال max.adams
أيوه يا سيد السيد

الموضوع مش نرجع سي السيد ولا لأ الموضوع سياسه يا معلم

لازم تعرف تقول كلام تمام عشان يتسمع تعرف تبلف اذا لزم الأمر تشخط أو تسحب ناعم

التعامل معاهم مش بالساهل يابا
عزيزى
شوف الراجل بالنسبه لمراته لو بتحبه مش جنس وجسد وفيه رجاله كتير فى الجنس بس عمرهم ما كانوا رجاله خالص
وفيه رجاله بيتعبوا سنين زوجاتهم مش بيستغنوا عنهم بسبب رجولتهم فى شخصيتهم واخلاقهم
علشان كده تلاقى ستات كتير زوجها بيموت وتفضل عايشه من غير زواج علشان حبه بيفضل عايش جواها مش الجنس هو اللى بيخلى الذكرى تعيش الرجوله بكل معانيها
ولا ايه رائيك
سلام
‏قال Mirage
انا مش فاهم أى حاجة الصراحة
‏قال فى القلب
ههههههههههههههههههههههههههه

يا سلام يا خويا
هو سى السيد مينفعش غير بالشخط و النطر
و بعدين الراجل راجل بحجات تانيه حتى لو ملوش فى الطور و لا فى الطحين
ألى يهم الست اكتر مش المراضيع دى يا سى السيد
ألى يهمها الأحتواء الحنان التفهم



و بعد كده هى لوحدها هتقعد تحت رجله و مش هتعمل ريسه عليه

ربنا يحظك يا سى السيد
السلام عليكم

اولا آسفه على تأخيرى فى الزياره وبجد الجهاز كان بيهنج كل ما افتح المدونه
يظهر علشان أسمها:D

تدوينه مع دمها الخيفيف وبساطتها ألا انها تحمل معانى كتير

وأعتقد ان معناها الاساسى مش ان سى السيد راحت أيامه

لا أن أيام الرجاله الصج والستات الصح بتروح خلاص وبقت نادره
طالما راجل بيلبس تى شرت بترتر والبنت بتلبس بنطلون باجى

ويعنى يا أستاذ محفوظ وياريتها كانت مشكله شنب يا سى السيد

ياما رجاله بشنبات وماشيه جنب مراتهم كيس جوافه وفرحانين بشبابهم أوى

العبره بأن الأتنين يحترموا بعض ويبقى فيه حوار بينهم
مش العبره ان حد يسيطر على التانى

لان ربنا ميزنا بالعقل

يلا معلش بقى حاولوا ترجعوا إيام الرجاله

أحسن بجد أنا عن نفسى بقيت بحس أن قليل جدا يكون فى راجل ينفع يكون أب لولاده

بوست دمه خفيف فى كلماته وجواه معاني كبيره

طولت

تحياتى
‏قال Unknown
الله ليه كده ؟ مش عايزنا نشرح نفسنا ليه ؟ أيه الى حيوصل الموضوع لتيشرت بترتر يعنى لما المرآة تشرح نفسها ؟
‏قال Doba
يا سيدى
والله مبتفرق

راااااااااااحت خلاص

يلا باى
دوبه
‏قال loumi
العزيز سي السيد

هو الحل إنك تربي شنبك؟
:):):)

شوف
أنا ضد التمييز
بكل أشكاله وأنواعه
أنا مع الأصلح لأي منصب
وبعدين يا سيدي لما واحده ست ترشح نفسها ده إن وجد ما تبقوش تنتخبوها
وليس من حق أحد أن يحجر على مجموعه او جنس لحساب الجنس الأخر

تحياتي لك
أشكرك لإضافتي عندك
حرااااااااااااام عليكو
احنا مش عارفين هنلاقيها منين ولا منين

دا ظلم ظلم ظلم

وبعدين احنا لو انتقدنا كل حاجه انتو بتعملوها هتتفتح عليكو فتحه انتو مش قدها

تحياتى ليك بس بالله عليك انصفنا شويه

هههههههههههه
‏قال the others
يا سلام
واحنا ايه اللي جرالنا بسبب سياسة الرجالة ما دام الموضوع راجل وست
وبعدين من حق اي ست او اي قبطي يرشح نفسه لرئاسة الجمهورية ده حقهم هم الستات والمسيحين مش مصريين برده
افتكروا كده ملكة السبأ شوفوا القران تكلم عنها بلغة راقية جدا ...شوفتوا تصرفها مع سيدنا سليمان
مش عارفه ليه الراجل شايف الست على انها الضد يعني عكس كلمة راجل ست
لو الست حققت نجاح ده معناه بالنسبةلة فشل

هو احنا مش بني ادمين زيكوا برده ؟؟ مش عارفه ربنا خلقنا ليه من وجهة نظركم ....
‏قال Unknown
هههههههههههه
يعني طلع كله منك بس مصلحه و الله
ده انا اجيبلك كوتشي احمر و ت شيرت شيفون كمان
‏قال Unknown
ههههههههه
يا راجل ده انا دماغى راحت لبعيد
وقولت الرجاله جالهم مرض وحش اعوذ بالله
لو الفرق بين الراجل والست الشنب
دى سهله
ياما ستات بدقن اليومين دول
الراجل مش بس بكلمته
والله ضحكتنى يا سى السيد
طول عمرى محبش الكلام على الصراع الابدي بين الراجل والمرأة وحقوقى وحقوقك

لان كل واحد بيبقي بيتكلم عن حالته الشخصية ومهما قال انا شوفت كذا حالة بردو مش هيعبر عن القاعدة العامة

بجد بتغاظ اوى من اننا دايما نقول انتوا ظالمينا او احنا ظالمينكوا ... ليه مش نعيش فى سلام وكل واحد يعطي حقوق التانى وخلاص .؟.. ليه نعمل جمعيات حقوق المرأة وجمعيات حقوق الرجل

ده حتى الرجل لو مش مظلوم واتعملت الجمعية دي هيدور على اى حاجة مراته مقصرة فيها وينضم للجمعية على اساس انه مظلوم ونفس الكلام للست

حرام بقي

سيبوا الستات والرجالة فى حالهم وخلى كل اتنين يتفاهموا مع بعض بطريقتهم

تقبل مرورى الاول بمدونتك ياسي السيد .. ياريت متزعلش من كلامى ..دي مجرد وجهة نظر والبوست ده هو اللى خلانى اتكلم :)
‏قال دكتور كسلان
ماشى يا عم

بعتنا كلنا

وانا اللى قلت ان خلاص معدش فيه رجالة

وحلوان انضربت والكلام ده

هو ده اللى مزعلك

الراجل بيتكلم عن وجهة نظره الشخصية

وده مش راى الجماعة

راى الجماعة غير كده خالص

وبعدين دى ثوابت

مينفعش نختلف عليها

ونضحك على نفسنا ونقول حقوق المراة والكلام الفاضى ده

الدكتور جانبه الصواب فى رايه ده

والجماعة فعلا عايزة تصلح

بس لازم نحافظ ع الثوابت ومانساومش عليها


سلاااااااااااااااااااااااااام
سى السيد
والله زمان يا وحش
ياريت ايامك دامت
هههههه
دى اول زيارة ليا لمدونتك لكن ماعتقدش اخر زيارة
ارجو التواصل وزيارة مدونة العبد لله المتواضعة
وتحياتى ليك
‏قال سفير جهنم
انتا يا سى السيد محفوظ ده الى بتكلم عليه يبقى عمى عيب عليك يا باشا
وانا مش عارف دكتور كسلان سايبك ليه انا هرفع عليك قضية
‏قال sahr
ايه يعني فيها ايه لما تتقدم المرأه لانتخابات الرئاسة؟
ايه ياسي السيد دا انا كنت فاكرك سي السيد المودرن خيبت املي فيك
فعلا شكلكم كل اللي تعرفوا تعملوه انكم تربوا شنب
او اقولك اعمل جمعيه زي بتاعة يارجال العالم اتحدوا زي المسلسل يعني
وبعدين كل مواضيعك لازم بتعترض فيها على حاجة ايه مفيش حاجة خالص عجباك
‏قال Abeer
انا مش قادرة اوصل لوجهة نظرك من الموضوع .. معلش لسة راجعة من الامتحان

بس انت مثلا شايف ان الست مش تنفع تمسك رئيسة جمهورية ..

طيب ليه ..

من باب الشرع ولا ايه
الموضوع ده اختلف فيه الفقهاء .. وفي النهاية في ولاية كبرى وولاية صغرى

ما علينا يعني
علشان انا دلوقتي مش طايقة الرجالة خالص
:(
‏قال bedo
سلام عليكم يا سي السيد

معلش اتأخرت في الرد عليك
معلش كنت مسافر

المهم نخش في الموضوع على طول
شوف ياسيدي
الاخوان أعلنوا رأيهم بصراحة وبغض النظر عن التصريحات اللي أغضبت سيادتك
إنه مفيش ترشيح للمرأة
ولكن الخلاف اللي كان موجود إنه يتم إجراء تعديلات لمنعها قانونا
ولا نسيب الوضع على ماهو عليه
يعني قانونا
مش شرعا
وده في المرحلة الحالية فقط
يعني الخلاف مكانش فقهي
ولكن التصريحات اللي نقلها كتبها على وجهها الأخر
وهو إن الدكتور عبد المنعم لا يرى مانع من ترشيح المرأة للرئاسه
وكان الدكتور يرى إنه لا يجرى تعديل
وبطبيعة الحال محدش هينتخب المرأة للرئاسة
بس ياسيدي ولا تزعل نفسك
مع إنك معاك حق تزعل لو كان كلامك صح
أقصد لو كانت التصريحات صحيحة

وماتقلقش هتفضل سي السيد

حد عنده إعتراض

طيب كويس
كلهم موافقين
موافقه يعني

وأسف مرة أخرى للتأخير في الرد

دمتم بكل خير
وفي رعاية الله
‏قال هناء
سي السيد و جد الحل يا رجالة
‏قال اسامة يس
مالك بس يا سي السيد ههههههههههه اضحك الله سنك ...
كل دا عشان من حق المرأة تبقى رئيسه هههههههههههههههه
طيب متزعلش اوي مش لما يكون راجل رئيس
دلوقتي الحيوانات بس همه اللي رؤساء

دمت بكل ود...
خالص تحياتي
‏قال Unknown
ياسي السيد يعني انت فاكر الشنب هو الحل؟؟؟؟؟


فات الميعاد فات....فات الميعاد


وبعدين ماحنا مجربين الرجالة من زمان مانجرب الحكم النسائي يمكن ينفع

:))
‏قال ghalia
هههههههههههههه
ازيك يا سى السيد
جاية متأخرة كالعادة
أهم حاجة انك قررت تربى شنبك
لأنى مش متخيلة سى السيد من غير شنب صراحة
ههههههههههههههه
والله دمك زى العسل
موتتنى من الضحك
السلام عليكم

والله معاك حق
الرجاله بقت حالتهم تصعب على الكافر
ربنا المستعان
‏قال غير معرف…
ياعيني مش قادر تتحمل الصدمة للدرجة دي ده كله تهيس ياقلبيعليك معلش يابني وبكرة العصمة تبقي في ايدينا وبطلعلك لساني اه وخلالالالالالالالاص راحت عليكم
‏قال semsem
ههههههههه
ياسلام على المرجله اللى بالشنبات
بكرة الستات تربى شنبها و وتبقا ست السيد
‏قال سفير جهنم
اقولك حاجة يا سى السيد انتا تخاف من المراة فى الانتخابات ليه


هوا مثلا لو انتا رشحت نفسك فى الرئاسة وليك شعبية تفوز انتا صح




طيب ده يبقى من شخصية المرشح
‏قال Unknown
أبو السيد
أنا لامؤاخذة -بعداذنك يعني-
لومكنش فيها حاجة تضايق يعني
.
.
بصراحة مش فاهم حاجة
.
.
معلش يابني أصل اليومين دول مستوى ذكائي انخفض يجي نصه تلاتربعه كده
.
.
أفصح ..أبن... أوضح

:)
‏قال el_assel
انا كنت حاسس ان انا بقري فيلم النوم في العسل
ربنا يستر علينا
بس علي فكرة الرجولة مش في الشنب اللي انت عايز تربيه ده
اعتقد ان الرجولة اكتر من كده بكتير
ولو كان الرجولة بالشنب
كان الصرصار بقي ارجلهم

سلامــــــــــاتي
‏قال klmat
سى السيد
جربنا الرجال واديك شايف الحال
مش يمكن لوست حكمت حالناينصلح
العبره مش راجل ولا ست
العبره مين عنده القدره وجدير بالمنصب
بس حقيقى البوست دمه خفيف جدا
زى اللى بيكتبه
سلاااااااااااام
‏قال something like love
البوست دمه خفيف اوى
والله انا اتخضيت وقلت ايه اللى حصل
رجالتنا ايه اللى جرالهم
بس الحمد لله اذا كان على الترتر والكوتشى
مفيش مشكلة
بس هى الحاكاية مش راجل وست ان جيت للجد بقى
ولا شنب او لا
العبرة بالانسان من جواه كويس ولا لا
وياريت ياسى السيد يرجع زمن الرجالة ايام ماكانوا رجالة فعلا مواقف وشهامةوأدب اهم حاجة والله فى الموضوع الادب وتحمل المسؤلية
بس يالا بقى
ومتخافش ياسيدى يوم ماالستات تنجح فى رئاسة الجمهورية
هتبقى من علامات يوم القيامة(دى مش من عندى بقى )
وخف على الستات شوية والنبى والله احنا غلابة

موضوعك جاااااااامد ياعم السيد
‏قال Unknown
والله ياريت سى السيد يرجع
لكن مش سي السيد الهلاس واللى بيضرب زوجتة
لكن سى السيد الراجل المحترم الوقور
ذو الراى السديد
والعقل الرشيد
والشهامة اللاموجودة حاليا
والكلمة الا مردوده طلما فى الحق

فعلا

ولا زمن الرجالة خلاص

هدخل باستمرار
اشوف سى السيد هيجى ازاى وامتى
جايز اعرف الاقى رجل فى عالم المختلاطات

احترامى
مقالات تهمك
التنقل السريع